Ὀδύσσεια, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
193
ἑρπύζοντ᾽ ἀνὰ γουνὸν ἀλωῆς οἰνοπέδοιο.
194
νῦν δ᾽ ἦλθον : δὴ γάρ μιν ἔφαντ᾽ ἐπιδήμιον εἶναι,
195
σὸν πατέρ᾽ : ἀλλά νυ τόν γε θεοὶ βλάπτουσι κελεύθου.
196
οὐ γάρ πω τέθνηκεν ἐπὶ χθονὶ δῖος Ὀδυσσεύς,
197
ἀλλ᾽ ἔτι που ζωὸς κατερύκεται εὐρέι πόντῳ
198
νήσῳ ἐν ἀμφιρύτῃ , χαλεποὶ δέ μιν ἄνδρες ἔχουσιν
199
ἄγριοι , οἵ που κεῖνον ἐρυκανόωσ᾽ ἀέκοντα.
200
αὐτὰρ νῦν τοι ἐγὼ μαντεύσομαι , ὡς ἐνὶ θυμῷ
201
ἀθάνατοι βάλλουσι καὶ ὡς τελέεσθαι ὀίω,
202
οὔτε τι μάντις ἐὼν οὔτ᾽ οἰωνῶν σάφα εἰδώς.
203
οὔ τοι ἔτι δηρόν γε φίλης ἀπὸ πατρίδος αἴης
204
ἔσσεται , οὐδ᾽ εἴ πέρ τε σιδήρεα δέσματ᾽ ἔχῃσιν:
205
φράσσεται ὥς κε νέηται , ἐπεὶ πολυμήχανός ἐστιν.
206
ἀλλ᾽ ἄγε μοι τόδε εἰπὲ καὶ ἀτρεκέως κατάλεξον,
207
εἰ δὴ ἐξ αὐτοῖο τόσος πάϊς εἰς Ὀδυσῆος.
208
αἰνῶς μὲν κεφαλήν τε καὶ ὄμματα καλὰ ἔοικας
209
κείνῳ , ἐπεὶ θαμὰ τοῖον ἐμισγόμεθ᾽ ἀλλήλοισιν,
210
πρίν γε τὸν ἐς Τροίην ἀναβήμεναι , ἔνθα περ ἄλλοι