Ὀδύσσεια, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
XML: Passage Full Text
410
οἷον ἀναΐξας ἄφαρ οἴχεται , οὐδ᾽ ὑπέμεινε
γνώμεναι : οὐ μὲν γάρ τι κακῷ εἰς ὦπα ἐῴκει.”
τὸν δ᾽ αὖ Τηλέμαχος πεπνυμένος ἀντίον ηὔδα:
“Εὐρύμαχ᾽ , ἦ τοι νόστος ἀπώλετο πατρὸς ἐμοῖο:
οὔτ᾽ οὖν ἀγγελίῃ ἔτι πείθομαι , εἴ ποθεν ἔλθοι,
415
οὔτε θεοπροπίης ἐμπάζομαι , ἥν τινα μήτηρ
ἐς μέγαρον καλέσασα θεοπρόπον ἐξερέηται.
ξεῖνος δ᾽ οὗτος ἐμὸς πατρώιος ἐκ Τάφου ἐστίν,
Μέντης δ᾽ Ἀγχιάλοιο δαΐφρονος εὔχεται εἶναι
υἱός , ἀτὰρ Ταφίοισι φιληρέτμοισιν ἀνάσσει.”
420
ὣς φάτο Τηλέμαχος , φρεσὶ δ᾽ ἀθανάτην θεὸν ἔγνω.