Metamorphoses, TEI XML Edition Enhanced with Syntax Diagrams for 1.1-1.9 and 1.163-1.773. Ovid. Metamorphoses. Hugo Magnus.
Gotha (Germany). Friedr. Andr. Perthes. 1892
Made available under the Creative Commons Attribution 4.0 International License.
548
Hectora laudamus—quis enim laudaverit hostem?
549
Ille tuus genitor Messenia moenia quondam
550
stravit et inmeritas urbes Elimque Pylumque
551
diruit inque meos ferrum flammamque penatis
552
inpulit, utque alios taceam, quos ille peremit,
553
bis sex Nelidae fuimus, conspecta iuventus:
554
bis sex Herculeis ceciderunt me minus uno
555
viribus; atque alios vinci potuisse ferendum est:
556
mira Periclymeni mors est, cui posse figuras
557
sumere, quas vellet, rursusque reponere sumptas
558
Neptunus dederat, Nelei sanguinis auctor.
559
Hic ubi nequiquam est formas variatus in omnes,
560
vertitur in faciem volucris, quae fulmina curvis
561
ferre solet pedibus divum gratissima regi;
562
Viribus usus avis pennis rostroque redunco
563
hamatisque viri laniaverat unguibus ora:
564
tendit in hunc nimium certos Tirynthius arcus
565
atque inter nubes sublimia membra ferentem
566
pendentemque ferit, lateri qua iungitur ala;
567
nec grave vulnus erat sed rupti vulnere nervi
568
deficiunt motumque negant viresque volandi.
569
Decidit in terram, non concipientibus auras
570
infirmis pennis, et qua levis haeserat alae,
571
corporis adfixi pressa est gravitate sagitta
572
perque latus summum iugulo est exacta sinistro.
573
Nunc videor debere tui praeconia rebus
574
Herculis, o Rhodiae rector pulcherrime classis?
575
Nec tamen ulterius, quam fortia facta silendo
576
ulciscor fratres: solida est mihi gratia tecum.”
THE DEATH OF ACHILLES
577
Haec postquam dulci Neleius edidit ore,