<GetPassage xmlns="http://chs.harvard.edu/xmlns/cts">
    <request>
        <requestName>GetPassage</requestName>
        <requestUrn>urn:cts:latinLit:phi0959.phi001.perseus-lat2:3.4.1-3.4.30</requestUrn>
    </request>
    <reply>
        <urn>urn:cts:latinLit:phi0959.phi001.perseus-lat2:3.4.1-3.4.30</urn>
        <passage>
            <TEI xmlns="http://www.tei-c.org/ns/1.0" xmlns:py="http://codespeak.net/lxml/objectify/pytype" py:pytype="TREE"><text><body><div type="edition" n="urn:cts:latinLit:phi0959.phi001.perseus-lat2" xml:lang="lat"><div type="textpart" subtype="book" n="3"><div type="textpart" subtype="poem" n="4"><l n="1">Dure vir, inposito tenerae custode puellae</l><l n="2" rend="indent">Nil agis; ingenio est quaeque tuenda suo. </l><l n="3">Siqua metu dempto casta est, ea denique casta est;</l><l n="4" rend="indent">Quae, quia non liceat, non facit, illa facit!</l><l n="5">Ut iam servaris bene corpus, adultera mens est;</l><l n="6" rend="indent">Nec custodiri, ne velit, ulla potest.</l><l n="7">Nec corpus servare potes, licet omnia claudas;</l><l n="8" rend="indent">Omnibus exclusis intus adulter erit.</l><l n="9">Cui peccare licet, peccat minus; ipsa potestas</l><l n="10" rend="indent">Semina nequitiae languidiora facit.</l><l n="11">Desine, crede mihi, vitia inritare vetando;</l><l n="12" rend="indent">Obsequio vinces aptius illa tuo.</l><l n="13">Vidi ego nuper equum contra sua vincla tenacem</l><l n="14" rend="indent">Ore reluctanti fulminis ire modo;</l><l n="15">Constitit ut primum concessas sensit habenas</l><l n="16" rend="indent">Frenaque in effusa laxa iacere iuba!</l><l n="17">Nitimur in vetitum semper cupimusque negata;</l><l n="18" rend="indent">Sic interdictis imminet aeger aquis.</l><l n="19">Centum fronte oculos, centum cervice gerebat</l><l n="20" rend="indent">Argus — et hos unus saepe fefellit Amor;</l><l n="21">In thalamum Danae ferro saxoque perennem</l><l n="22" rend="indent">Quae fuerat virgo tradita, mater erat;</l><l n="23">Penelope mansit, quamvis custode carebat,</l><l n="24" rend="indent">Inter tot iuvenes intemerata procos.</l><l n="25">Quidquid servatur cupimus magis, ipsaque furem</l><l n="26" rend="indent">Cura vocat; pauci, quod sinit alter, amant.</l><l n="27">Nec facie placet illa sua, sed amore mariti;</l><l n="28" rend="indent">Nescio quid, quod te ceperit, esse putant.</l><l n="29">Non proba fit, quam vir servat, sed adultera cara;</l><l n="30" rend="indent">Ipse timor pretium corpore maius habet.</l></div></div></div></body></text></TEI>
        </passage>
    </reply>
</GetPassage>