<GetPassage xmlns="http://chs.harvard.edu/xmlns/cts">
    <request>
        <requestName>GetPassage</requestName>
        <requestUrn>urn:cts:latinLit:phi0959.phi006.alpheios-text-lat1:8.182-8.211</requestUrn>
    </request>
    <reply>
        <urn>urn:cts:latinLit:phi0959.phi006.alpheios-text-lat1:8.182-8.211</urn>
        <passage>
            <TEI xmlns="http://www.tei-c.org/ns/1.0" xmlns:py="http://codespeak.net/lxml/objectify/pytype" py:pytype="TREE"><text><body n="urn:cts:latinLit:phi0959.phi006.alpheios-text-lat1"><div type="edition" xml:lang="lat" n="urn:cts:latinLit:phi0959.phi006.alpheios-text-lat1"><div type="textpart" subtype="book" n="8"><l n="182">qui medius Nixique genu est anguemque tenentis.</l><milestone n="183" unit="card"/><milestone ed="Magnus" n="Daedalus et Icarus. Perdix." unit="tale"/><milestone ed="P" unit="para"/><l n="183">Daedalus interea Creten longumque perosus</l><l n="184">exsilium tactusque loci natalis amore</l><l n="185">clausus erat pelago. “Terras licet” inquit “et undas</l><l n="186">obstruat: at caelum certe patet; ibimus illac.</l><l n="187">Omnia possideat, non possidet aera Minos.”</l><milestone ed="P" unit="para"/><l n="188">Dixit et ignotas animum dimittit in artes</l><l n="189">naturamque novat. Nam ponit in ordine pennas,</l><l n="190">a minima coeptas, longam breviore sequenti,</l><l n="191">ut clivo crevisse putes. Sic rustica quondam</l><l n="192">fistula disparibus paulatim surgit avenis.</l><l n="193">Tum lino medias et ceris adligat imas,</l><l n="194">atque ita compositas parvo curvamine flectit,</l><l n="195">ut veras imitetur aves. Puer Icarus una</l><l n="196">stabat et, ignarus sua se tractare pericla,</l><l n="197">ore renidenti modo, quas vaga moverat aura,</l><l n="198">captabat plumas, flavam modo pollice ceram</l><l n="199">mollibat lusuque suo mirabile patris</l><l n="200">impediebat opus. Postquam manus ultima coepto</l><l n="201">imposita est, geminas opifex libravit in alas</l><l n="202">ipse suum corpus motaque pependit in aura.</l><milestone ed="P" unit="para"/><l n="203">Instruit et natum “medio” que “ut limite curras,</l><l n="204">Icare,” ait “moneo, ne, si demissior ibis,</l><l n="205">unda gravet pennas, si celsior, ignis adurat.</l><l n="206">Inter utrumque vola. Nec te spectare Booten</l><l n="207">aut Helicen iubeo strictumque Orionis ensem:</l><l n="208">me duce carpe viam.” Pariter praecepta volandi</l><l n="209">tradit et ignotas umeris accommodat alas.</l><l n="210">Inter opus monitusque genae maduere seniles,</l><l n="211">et patriae tremuere manus. Dedit oscula nato</l></div></div></body></text></TEI>
        </passage>
    </reply>
</GetPassage>