<GetPassage xmlns="http://chs.harvard.edu/xmlns/cts">
    <request>
        <requestName>GetPassage</requestName>
        <requestUrn>urn:cts:latinLit:phi0959.phi008.perseus-lat2:1.9.1-1.9.30</requestUrn>
    </request>
    <reply>
        <urn>urn:cts:latinLit:phi0959.phi008.perseus-lat2:1.9.1-1.9.30</urn>
        <passage>
            <TEI xmlns="http://www.tei-c.org/ns/1.0" xmlns:py="http://codespeak.net/lxml/objectify/pytype" py:pytype="TREE"><text><body><div type="edition" n="urn:cts:latinLit:phi0959.phi008.perseus-lat2" xml:lang="lat"><div type="textpart" subtype="book" n="1"><div type="textpart" subtype="poem" n="9"><l n="1">Detur inoffenso vitae tibi tangere metam,</l><l n="2">qui legis hoc nobis non inimicus opus.</l><pb xml:id="p.44"/><l n="3">atque utinam pro te possent mea vota valere,</l><l n="4">quae pro me duros non tetigere deos!</l><l n="5">donec eris sospes, <note xml:id="note.44.1">felix</note> multos numerabis amicos :</l><l n="6">tempora si fuerint nubila, solus eris.</l><l n="7">aspicis, ut veniant ad candida tecta columbae,</l><l n="8">accipiat nullas sordida turris aves.</l><l n="9">horrea formicae tendunt ad inania numquam:</l><l n="10">nullus ad amissas ibit amicus opes.</l><l n="11">utque comes radios per solis euntibus umbra est,</l><l n="12">cum latet hic pressus nubibus, illa fugit,</l><l n="13">mobile sic sequitur Fortunae lumina vulgus:</l><l n="14">quae simul inducta nocte teguntur, abit.</l><l n="15">haec precor ut semper possint tibi falsa videri;</l><l n="16">sunt tamen eventu vera fatenda meo.</l><l n="17">dum stetimus, turbae quantum satis esset, habebat</l><l n="18">nota quidem, sed non ambitiosa domus,</l><l n="19">at simul impulsa est, omnes timuere ruinam,</l><l n="20">cautaque communi terga dedere fugae.</l><l n="21">saeva neque admiror metuunt si fulmina, quorum</l><l n="22">ignibus adflari proxima quaeque solent,</l><l n="23">sed tamen in duris remanentem rebus amicum</l><l n="24">quamlibet <note xml:id="note.44.2">qualibet vel quolibet corr. <foreign xml:lang="grc">σ</foreign>
                     </note> inviso Caesar in hoste probat,</l><l n="25">nec solet irasci—neque enim moderatior alter—</l><l n="26">cum quis in adversis, siquid amavit, amat.</l><l n="27">de comite Argolici <note xml:id="note.44.3">argolico corr. Heinsius</note> postquam cognovit Orestis,</l><l n="28">narratur Pyladen ipse probasse Thoas.</l><l n="29">quae fuit Actoridae cum magno semper Achille,</l><l n="30">laudari solita est Hectoris ore fides.</l></div></div></div></body></text></TEI>
        </passage>
    </reply>
</GetPassage>