Alpheios Texts

638

μείζων φέρεσθαι σοῦ καλῶς ἡγουμένου.

Alpheios needs funds to keep these texts and tools freely available. Make a tax-deductible donation by December 31, 2024 to keep reading.

Κρέων639
οὕτω γάρ, ὦ παῖ, χρὴ διὰ στέρνων ἔχειν,
640
γνώμης πατρῴας πάντʼ ὄπισθεν ἑστάναι.
641
τούτου γὰρ οὕνεκʼ ἄνδρες εὔχονται γονὰς
642
κατηκόους φύσαντες ἐν δόμοις ἔχειν,
643
ὡς καὶ τὸν ἐχθρὸν ἀνταμύνωνται κακοῖς
644
καὶ τὸν φίλον τιμῶσιν ἐξ ἴσου πατρί.
645
ὅστις δʼ ἀνωφέλητα φιτύει τέκνα,
646
τί τόνδʼ ἂν εἴποις ἄλλο πλὴν αὑτῷ πόνους
647
φῦσαι, πολὺν δὲ τοῖσιν ἐχθροῖσιν γέλων;
648
μή νύν ποτʼ, ὦ παῖ, τὰς φρένας ὑφʼ ἡδονῆς
649
γυναικὸς οὕνεκʼ ἐκβάλῃς, εἰδὼς ὅτι
650
ψυχρὸν παραγκάλισμα τοῦτο γίγνεται,
651
γυνὴ κακὴ ξύνευνος ἐν δόμοις. τί γὰρ
652
γένοιτʼ ἂν ἕλκος μεῖζον ἢ φίλος κακός;
653
ἀλλὰ πτύσας ὡσεί τε δυσμενῆ μέθες
654
τὴν παῖδʼ ἐν Αἴδου τήνδε νυμφεύειν τινί.
655
ἐπεὶ γὰρ αὐτὴν εἷλον ἐμφανῶς ἐγὼ
656
πόλεως ἀπιστήσασαν ἐκ πάσης μόνην,
657
ψευδῆ γʼ ἐμαυτὸν οὐ καταστήσω πόλει,
658
ἀλλὰ κτενῶ. πρὸς ταῦτʼ ἐφυμνείτω Δία
659
ξύναιμον. εἰ γὰρ δὴ τά γʼ ἐγγενῆ φύσει
660
ἄκοσμα θρέψω, κάρτα τοὺς ἔξω γένους
661
ἐν τοῖς γὰρ οἰκείοισιν ὅστις ἔστʼ ἀνὴρ
662
χρηστός, φανεῖται κἀν πόλει δίκαιος ὤν.
663
ὅστις δʼ ὑπερβὰς ἢ νόμους βιάζεται
664
ἢ τοὐπιτάσσειν τοῖς κρατύνουσιν νοεῖ,
665
οὐκ ἔστʼ ἐπαίνου τοῦτον ἐξ ἐμοῦ τυχεῖν.
666
ἀλλʼ ὃν πόλις στήσειε τοῦδε χρὴ κλύειν
667
καὶ σμικρὰ καὶ δίκαια καὶ τἀναντία.

              Alpheios needs funds to keep these texts and tools freely available. 
              
                Make a tax-deductible donation by December 31, 2024 to keep reading.
            

Alpheios needs funds to keep these texts and tools freely available. Make a tax-deductible donation by December 31, 2024 to keep reading.

Reading Center

Main Menu