Persians, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
XML: Passage Full Text
ἀπρόσοιστος γὰρ ὁ Περσᾶν
στρατὸς ἀλκίφρων τε λαός.
Χορός
θεόθεν γὰρ κατὰ Μοῖρ᾽
ἐκράτησεν τὸ παλαι-
95
όν , ἐπέσκηψε δὲ Πέρσαις
πολέμους πυργοδαΐκτους
διέπειν ἱππιοχάρμας
τε κλόνους
πόλεών τ᾽ ἀναστάσεις.
Χορός
100
ἔμαθον δ᾽ εὐρυπόροι-
ο θαλάσσας πολιαι-
νομένας πνεύματι λάβρῳ
ἐσορᾶν πόντιον ἄλσος,
πίσυνοι λεπτοδόμοις πεί-
105
σμασι λα-
οπόροις τε μαχαναῖς.
Χορός
δολόμητιν δ᾽ ἀπάταν θεοῦ
τίς ἀνὴρ θνατὸς ἀλύξει;
τίς ὁ κραιπνῷ ποδὶ πήδη-
110
μα τόδ᾽ εὐπετῶς ἀνᾴσσων;
Χορός
φιλόφρων γὰρ παρασαίνει
βροτὸν εἰς ἄρκυας Ἄτα,
τόθεν οὐκ ἔστιν ὕπερθέν
νιν ἄνατον ἐξαλύξαι.
Χορός
115
ταῦτά μοι μελαγχίτων
φρὴν ἀμύσσεται φόβῳ,
ὀᾶ , Περσικοῦ στρατεύματος
τοῦδε , μὴ πόλις πύθη-
ται κένανδρον μέγ᾽ ἄστυ Σουσίδος,
Χορός
120
καὶ τὸ Κισσίων πόλισμ᾽