Seven Against Thebes, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
XML: Passage Full Text
ῥυσίπολις γενοῦ,
130
Παλλάς , ὅ θ᾽ ἵππιος ποντομέδων ἄναξ
ἰχθυβόλῳ Ποσειδάων μαχανᾷ,
ἐπίλυσιν φόβων , ἐπίλυσιν δίδου.
135
σύ τ᾽ , Ἄρης , φεῦ , φεῦ , πόλιν ἐπώνυμον
Κάδμου φύλαξον κήδεσαί τ᾽ ἐναργῶς.
140
καὶ Κύπρις , ἅτ᾽ εἶ γένους προμάτωρ,
ἄλευσον : σέθεν γὰρ ἐξ αἵματος
γεγόναμεν : λιταῖσί σε θεοκλύτοις
ἀυτοῦσαι πελαζόμεσθα.
145
καὶ σύ , Λύκει᾽ ἄναξ , Λύκειος γενοῦ
στρατῷ δαΐῳ στόνων ἀντίτας.
σύ τ᾽ , ὦ Λατογένει-
α κούρα , τόξον εὐτυκάζου [ Ἄρτεμι φίλα].
Χορός
ἒ ἒ ἒ ἔ,
150
ὄτοβον ἁρμάτων ἀμφὶ πόλιν κλύω:
ὦ πότνι᾽ Ἥρα.
ἔλακον ἀξόνων βριθομένων χνόαι.
Ἄρτεμι φίλα , ἒ ἒ ἒ ἔ,
155
δοριτίνακτος αἰθὴρ δ᾽ ἐπιμαίνεται.
τί πόλις ἄμμι πάσχει , τί γενήσεται;
ποῖ δ᾽ ἔτι τέλος ἐπάγει θεός;
Χορός
ἒ ἒ ἒ ἔ,
ἀκροβόλων δ᾽ ἐπάλξεων λιθὰς ἔρχεται:
ὦ φίλ᾽ Ἄπολλον:
160
κόναβος ἐν πύλαις χαλκοδέτων σακέων,
παῖ Διός , ὅθεν
πολεμόκραντον ἁγνὸν τέλος ἐν μάχᾳ.
σύ τε , μάκαιρ᾽ ἄνασσ᾽ Ὄγκα , πρὸ πόλεως
165
ἑπτάπυλον ἕδος ἐπιρρύου.