Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
Scr. in Tusculano vi K. Iun. a. 709 (45).
CICERO ATTICO salutem
Oppio et Balbo epistulas deferri iubebis, et tamen
Pisonem sicubi de auro. Faberius si venerit, videbis ut
tantum attribuatur, si modo attribuetur, quantum debetur. accipies ab
Erote. Ariarathes
Ariobarzani filius Romam venit.
vult, opinor, regnum aliquod emere a Caesare; nam quo modo nunc
est, pedem ubi ponat in suo non habet. omnino eum Sestius noster
parochus publicus occupavit; quod quidem facile patior. verum tamen, quod
mihi summo beneficio meo magna cum fratribus illius necessitudo est, invito eum per
litteras ut apud me deversetur. ad eam rem cum mitterem
Alexandrum, has ei dedi litteras.