Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
3.25
post tuum a me discessum litterae mihi Roma adlatae sunt ex
quibus perspicio nobis in hac calamitate tabescendum esse. neque enim (sed
bonam in partem accipies) si ulla spes salutis nostrae subesset, tu pro tuo amore in me
hoc tempore discessisses. sed ne ingrati aut ne omnia velle nobiscum una
interire videamur, hoc omitto; illud abs te peto des operam, id quod mihi adfirmasti, ut
te ante Kalendas
Ianuarias ubicumque erimus sistas.