Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
Appius noster cum me adventare videret, profectus est Tarsum
usque Laodicea. ibi forum agit, cum ego sim in provincia.
quam eius iniuriam non insector. satis enim habeo negoti in
sanandis vulneribus quae sunt imposita provinciae; quod do operam ut faciam quam minima
cum illius contumelia. sed hoc Bruto nostro velim dicas, illum
fecisse non belle qui adventu meo quam longissime potuerit discesserit.