Ars Amatoria, Ovid, 43 B.C.-17 or 18 A.D, creator; Ehwald, Rudolf, 1847-1927,
editor; Merkel, Rudolf, 1811-1885, editor
Made available under the Creative Commons Attribution 4.0 International License.
91
Decidit, atque cadens 'pater, o pater, auferor!' inquit,
92
Clauserunt virides ora loquentis aquae.
93
At pater infelix, nec iam pater, 'Icare!' clamat,
94
'Icare,' clamat 'ubi es, quoque sub axe volas?'
95
'Icare' clamabat, pinnas aspexit in undis.
96
Ossa tegit tellus: aequora nomen habent.
97
Non potuit Minos hominis conpescere pinnas;
98
Ipse deum volucrem detinuisse paro.
99
99
Fallitur, Haemonias siquis decurrit ad artes,
100
Datque quod a teneri fronte revellit equi.
101
Non facient, ut vivat amor, Medeïdes herbae
102
Mixtaque cum magicis nenia Marsa sonis.
103
Phasias Aesoniden, Circe tenuisset Ulixem,
104
Si modo servari carmine posset amor.
105
Nec data profuerint pallentia philtra puellis:
106
Philtra nocent animis, vimque furoris habent.
107
Sit procul omne nefas; ut ameris, amabilis esto:
108
Quod tibi non facies solave forma dabit:
109
Sis licet antiquo Nireus adamatus Homero,
110
Naïadumque tener crimine raptus Hylas,
111
Ut dominam teneas, nec te mirere relictum,
112
Ingenii dotes corporis adde bonis.
113
Forma bonum fragile est, quantumque accedit ad annos
114
Fit minor, et spatio carpitur ipsa suo.
115
Nec violae semper nec hiantia lilia florent,
116
Et riget amissa spina relicta rosa.
117
Et tibi iam venient cani, formose, capilli,
118
Iam venient rugae, quae tibi corpus arent.
119
Iam molire animum, qui duret, et adstrue formae:
120
Solus ad extremos permanet ille rogos.