Ars Amatoria, Ovid, 43 B.C.-17 or 18 A.D, creator; Ehwald, Rudolf, 1847-1927,
editor; Merkel, Rudolf, 1811-1885, editor
Made available under the Creative Commons Attribution 4.0 International License.
241
Devovet, ut tangit, dominae caput illa, simulque
242
Plorat in invisas sanguinolenta comas.
243
Quae male crinita est, custodem in limine ponat,
244
Orneturve Bonae semper in aede deae.
245
Dictus eram subito cuidam venisse puellae:
246
Turbida perversas induit illa comas.
247
Hostibus eveniat tam foedi causa pudoris,
248
Inque nurus Parthas dedecus illud eat.
249
Turpe pecus mutilum, turpis sine gramine campus,
250
Et sine fronde frutex, et sine crine caput.
251
Non mihi venistis, Semele Ledeve, docendae,
252
Perque fretum falso, Sidoni, vecta bove,
253
Aut Helene, quam non stulte, Menelaƫ, reposcis,
254
Tu quoque non stulte, Troice raptor, habes;
255
Turba docenda venit, pulchrae turpesque puellae:
256
Pluraque sunt semper deteriora bonis.
257
257
Formosae non artis opem praeceptaque quaerunt:
258
Est illis sua dos, forma sine arte potens;
259
Cum mare compositum est, securus navita cessat:
260
Cum tumet, auxiliis adsidet ille suis.
261
Rara tamen mendo facies caret: occule mendas,
262
Quaque potes vitium corporis abde tui.
263
Si brevis es, sedeas, ne stans videare sedere:
264
Inque tuo iaceas quantulacumque toro;
265
Hic quoque, ne possit fieri mensura cubantis,
266
Iniecta lateant fac tibi veste pedes.
267
Quae nimium gracilis, pleno velamina filo
268
Sumat, et ex umeris laxus amictus eat.
269
Pallida purpureis spargat sua corpora virgis,
270
Nigrior ad Pharii confuge piscis opem.