Remedia amoris, Ovid, 43 B.C.-17 or 18 A.D, creator; Ehwald, Rudolf, 1847-1927, editor; Merkel, Rudolf, 1811-1885, editor
Made available under the Creative Commons Attribution 4.0 International License.
XML: Passage Full Text
At tibi, qui fueris dominae male creditus uni,
Nunc saltem novus est inveniendus amor.
Pasiphaës Minos in Procride perdidit ignes:
Cessit ab Idaea coniuge victa prior.
455
Amphilochi frater ne Phegida semper amaret,
Calliroë fecit parte recepta tori.
Et Parin Oenone summos tenuisset ad annos,
Si non Oebalia paelice laesa foret.
Coniugis Odrysio placuisset forma tyranno:
460
Sed melior clausae forma sororis erat.
Quid moror exemplis, quorum me turba fatigat?
Successore novo vincitur omnis amor.
Fortius e multis mater desiderat unum,
Quam quem flens clamat 'tu mihi solus eras.'
465
Ac ne forte putes nova me tibi condere iura
(Atque utinam inventi gloria nostra foret!),
Vidit ut Atrides (quid enim non ille videret,
Cuius in arbitrio Graecia tota fuit?)
Marte suo captam Chryseïda, victor amabat:
470
At senior stulte flebat ubique pater.
Quid lacrimas, odiose senex? bene convenit illis:
Officio natam laedis, inepte, tuo.
Quam postquam reddi Calchas, ope tutus Achillis,
Iusserat, et patria est illa recepta domo,
475
'Est' ait Atrides 'illius proxima forma,
Et, si prima sinat syllaba, nomen idem:
Hanc mihi, si sapiat, per se concedat Achilles:
Si minus, imperium sentiat ille meum.
Quod siquis vestrum factum hoc incusat, Achivi,
480
Est aliquid valida sceptra tenere manu.
Alpheios needs funds to keep these texts and tools freely available. Make a tax-deductible donation by December 31, 2024 to keep reading.
Alpheios needs funds to keep these texts and tools freely available. Make a tax-deductible donation by December 31, 2024 to keep reading.