Fasti, Ovid, 43 B.C.-17 or 18 A.D, creator; Frazer, James George, Sir, 1854-1941, editor
Made available under the Creative Commons Attribution 4.0 International License.
XML: Passage Full Text
nec pigeat tritum niveo cum lacte papaver
sumere et expressis mella liquata favis;
cum primum cupido Venus est deducta marito,
hoc bibit: ex illo tempore nupta fuit.
155
supplicibus verbis illam placate: sub illa
et forma et mores et bona fama manet.
Roma pudicitia proavorum tempore lapsa est:
Cymaeam, veteres, consuluistis anum.
templa iubet fieri Veneri, quibus ordine factis
160
inde Venus verso nomina corde tenet.
semper ad Aeneadas placido, pulcherrima, voltu
respice totque tuas, diva, tuere nurus.
dum loquor, elatae metuendus acumine caudae
Scorpios in viridis praecipitatur aquas. [*]2. D F
165
Nox ubi transierit, caelumque rubescere primo
coeperit, et tactae rore querentur aves,
semiustamque facem vigilata nocte viator
ponet, et ad solitum rusticus ibit opus,
Pleiades incipient humeros relevare paternos,
170
quae septem dici, sex tamen esse solent:
seu quod in amplexum sex hinc venere deorum. (
nam Steropen Marti concubuisse ferunt,
Neptuno Alcyonen et te, formosa Celaeno,
Maian et Electram Taygetemque Iovi),
175
septima mortali Merope tibi, Sisyphe, nupsit;
paenitet, et facti sola pudore latet:
sive quod Electra Troiae spectare ruinas
non tulit, ante oculos opposuitque manum. [*]3. EC 4. FC LVDI — MATR — MAG
Ter sine perpetuo caelum versetur in axe,
180
ter iungat Titan terque resolvat equos,