Ex Ponto, Ovid, 43 B.C.-17 or 18 A.D, creator; Wheeler, Arthur Leslie, 1871-1932, editor; Wheeler, Arthur Leslie, 1871-1932, editor, translator
Made available under the Creative Commons Attribution 4.0 International License.
XML: Passage Full Text
hic agri infrondes, hic spicula tincta venenis,
hic freta vel pediti pervia reddit hiems,
ut, qua remus iter pulsis modo fecerat undis,
siccus contempta nave viator eat.
35
qui veniunt istinc, vix vos ea credere dicunt,
quam miser est, qui fert asperiora fide!
crede tamen; nec te causas nescire sinemus,
horrida Sarmaticum cur mare duret hiems,
proxima sunt nobis plaustri praebentia formam
40
et quae praecipuum sidera frigus habent.
hinc oritur Boreas oraeque domesticus huic est
et sumit vires a propiore loco.
at Notus, adverso tepidum qui spirat ab axe,
est procul et rarus languidiorque venit.
45
adde quod hic clauso miscentur flumina Ponto,
vimque fretum multo perdit ab amne suam.
huc Lycus, huc Sugaris Peniusque Hypanisque Calesque
influit et crebro vertice tortus Halys,
Partheniusque rapax, et volvens saxa Cynapses
50
labitur, et nullo tardior amne Tyras,
et tu, femineae Thermodon cognite turmae,
et quondam Graiis Phasi petite viris,
cumque Borysthenio liquidissimus amne Dyrapses
et tacite peragens lene Melanthus iter,
55
quique duas terras, Asiam Cadmique sororem,
separat et cursus inter utramque facit,
[*]vv.55-56 fortasse spurii
innumerique alii, quos inter maximus omnes
cedere Danuvius se tibi, Nile, negat,
copia tot laticum, quas auget, adulterat undas,
60
nec patitur vires aequor habere suas.