Ἰλιάς, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
121
βῆ δὲ κατ᾽ Οὐλύμποιο καρήνων ἀΐξασα,
122
ἷξεν δ᾽ ἐς κλισίην οὗ υἱέος : ἔνθ᾽ ἄρα τόν γε
123
εὗρ᾽ ἁδινὰ στενάχοντα : φίλοι δ᾽ ἀμφ᾽ αὐτὸν ἑταῖροι
124
ἐσσυμένως ἐπένοντο καὶ ἐντύνοντο ἄριστον:
125
τοῖσι δ᾽ ὄϊς λάσιος μέγας ἐν κλισίῃ ἱέρευτο.
126
ἣ δὲ μάλ᾽ ἄγχ᾽ αὐτοῖο καθέζετο πότνια μήτηρ,
127
χειρί τέ μιν κατέρεξεν ἔπος τ᾽ ἔφατ᾽ ἔκ τ᾽ ὀνόμαζε:
128
τέκνον ἐμὸν τέο μέχρις ὀδυρόμενος καὶ ἀχεύων
129
σὴν ἔδεαι κραδίην μεμνημένος οὔτέ τι σίτου
130
οὔτ᾽ εὐνῆς ; ἀγαθὸν δὲ γυναικί περ ἐν φιλότητι
131
μίσγεσθ᾽ : οὐ γάρ μοι δηρὸν βέῃ , ἀλλά τοι ἤδη
132
ἄγχι παρέστηκεν θάνατος καὶ μοῖρα κραταιή.
133
ἀλλ᾽ ἐμέθεν ξύνες ὦκα , Διὸς δέ τοι ἄγγελός εἰμι:
134
σκύζεσθαι σοί φησι θεούς , ἑὲ δ᾽ ἔξοχα πάντων
135
ἀθανάτων κεχολῶσθαι , ὅτι φρεσὶ μαινομένῃσιν
136
Ἕκτορ᾽ ἔχεις παρὰ νηυσὶ κορωνίσιν οὐδ᾽ ἀπέλυσας.
137
ἀλλ᾽ ἄγε δὴ λῦσον , νεκροῖο δὲ δέξαι ἄποινα.
138
τὴν δ᾽ ἀπαμειβόμενος προσέφη πόδας ὠκὺς Ἀχιλλεύς:
139
τῇδ᾽ εἴη : ὃς ἄποινα φέροι καὶ νεκρὸν ἄγοιτο,
140
εἰ δὴ πρόφρονι θυμῷ Ὀλύμπιος αὐτὸς ἀνώγει.
141
ὣς οἵ γ᾽ ἐν νηῶν ἀγύρει μήτηρ τε καὶ υἱὸς
142
πολλὰ πρὸς ἀλλήλους ἔπεα πτερόεντ᾽ ἀγόρευον.
143
Ἶριν δ᾽ ὄτρυνε Κρονίδης εἰς Ἴλιον ἱρήν:
144
βάσκ᾽ ἴθι Ἶρι ταχεῖα λιποῦσ᾽ ἕδος Οὐλύμποιο
145
ἄγγειλον Πριάμῳ μεγαλήτορι Ἴλιον εἴσω
146
λύσασθαι φίλον υἱὸν ἰόντ᾽ ἐπὶ νῆας Ἀχαιῶν,
147
δῶρα δ᾽ Ἀχιλλῆϊ φερέμεν τά κε θυμὸν ἰήνῃ
148
οἶον , μὴ δέ τις ἄλλος ἅμα Τρώων ἴτω ἀνήρ.
149
κῆρύξ τίς οἱ ἕποιτο γεραίτερος , ὅς κ᾽ ἰθύνοι
150
ἡμιόνους καὶ ἄμαξαν ἐΰτροχον , ἠδὲ καὶ αὖτις