Persians, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
XML: Passage Full Text
μόνος ἂν θνητῶν πέρας εἴποι.
Χορός
ἦ ῥ᾽ ἀίει μου μακαρίτας
ἰσοδαίμων βασιλεὺς
635
βάρβαρ᾽ ἀσαφηνῆ
ἱέντος τὰ παναίολ᾽ αἰ-
ανῆ δύσθροα βάγματ᾽ , ἢ
παντάλαν᾽ ἄχη διαβοάσω;
νέρθεν ἆρα κλύει μου;
Χορός
640
ἀλλὰ σύ μοι Γᾶ τε καὶ ἄλλοι
χθονίων ἁγεμόνες
δαίμονα μεγαυχῆ
ἰόντ᾽ αἰνέσατ᾽ ἐκ δόμων,
Περσᾶν Σουσιγενῆ θεόν:
645
πέμπετε δ᾽ ἄνω οἷον οὔπω
Περσὶς αἶ᾽ ἐκάλυψεν.
Χορός
ἦ φίλος ἁνήρ , φίλος ὄχθος:
φίλα γὰρ κέκευθεν ἤθη.
Ἀιδωνεὺς δ᾽ ἀναπομ-
650
πὸς ἀνείης , Ἀιδωνεύς,
θεῖον ἀνάκτορα Δαριᾶνα . ἠέ.
Χορός
οὐδὲ γὰρ ἄνδρας ποτ᾽ ἀπώλλυ
πολεμοφθόροισιν ἄταις,
θεομήστωρ δ᾽ ἐκικλή-
655
σκετο Πέρσαις , θεομήστωρ δ᾽
ἔσκεν , ἐπεὶ στρατὸν εὖ ποδούχει . ἠέ.
Χορός
βαλήν , ἀρχαῖος βαλήν,
ἴθι , ἱκοῦ:
ἔλθ᾽ ἐπ᾽ ἄκρον κόρυμβον ὄχθου,
660
κροκόβαπτον ποδὸς εὔμαριν ἀείρων,
βασιλείου τιάρας