Seven Against Thebes, Alpheios version. Enhanced TEI with Syntax Diagrams
Made available under the Creative Commons Attribution 4.0 International License.
XML: Passage Full Text
ἰὼ πολλοῖς ἐπανθίσαντες
950
πόνοισι γενεάν:
τελευταῖαι δ᾽ ἐπηλάλαξαν
Ἀραὶ τὸν ὀξὺν νόμον , τετραμμένου
παντρόπῳ φυγᾷ γένους.
ἕστακε δ᾽ Ἄτας τροπαῖον ἐν πύλαις,
955
ἐν αἷς ἐθείνοντο , καὶ δυοῖν κρατή-
σας ἔληξε δαίμων.
Ἀντιγόνη
παισθεὶς ἔπαισας.
Ἰσμήνη
σὺ δ᾽ ἔθανες κατακτανών.
Ἀντιγόνη
δορὶ δ᾽ ἔκανεσ—
Ἰσμήνη
960
δορὶ δ᾽ ἔθανεσ—
Ἀντιγόνη
μελεοπόνος.
Ἰσμήνη
μελεοπαθής.
Ἀντιγόνη
ἴτω γόος.
Ἰσμήνη
ἴτω δάκρυ.
Ἀντιγόνη
πρόκεισαι —
Ἰσμήνη
965
κατακτάς.
Ἀντιγόνη
ἠέ.
Ἰσμήνη
ἠέ.
Ἀντιγόνη
μαίνεται γόοισι φρήν.
Ἰσμήνη
ἐντὸς δὲ καρδία στένει.
Ἀντιγόνη
970
ἰὼ ἰὼ πάνδυρτε σύ.
Ἰσμήνη
σὺ δ᾽ αὖτε καὶ πανάθλιε.
Ἀντιγόνη
πρὸς φίλου [ γ᾽ :] ἔφθισο.
Ἰσμήνη
καὶ φίλον ἔκτανες.
Ἀντιγόνη
διπλᾶ λέγειν—
Ἰσμήνη
διπλᾶ δ᾽ ὁρᾶν—
Ἀντιγόνη
975
ἄχθεα τῶνδε τάδ᾽ ἐγγύθεν.
Ἰσμήνη
πέλας ἀδελφέ᾽ ἀδελφεῶν.