Academica, Academicorum reliquiae cum Lucullo. (Book 1. Books 2 and 3 are currently pending editing of the digital edition.) Cicero, Marcus Tullius, creator; Plasberg, Otto, 1869-1924, editor
Made available under the Creative Commons Attribution 4.0 International License.
Iam vero physica, si Epicurum id est si Democritum probarem, possem[*]possum χ
scribere ita plane ut Amafinius.[*]Amafinius ς -fanius ΓΔ
quid
est enim magnum, cum causas rerum efficientium
sustuleris, de corpusculorum (ita enim appellat atomos)
concursione fortuita loqui? nostra tu physica[*]physicam Δ
nosti;
quae cum[*]cum om.
ω
contineantur ex effectione et ex materia ea
quam fingit et format effectio, adhibenda etiam[*]etaim Γ enim Δ
geometria est; quam[*]quam Γ quoniam Δ
quibusnam quisquam enuntiare verbis
aut quem ad intellegendum poterit adducere? Haec
ipsa de vita et moribus et de expetendis fugiendisque
rebus illi simpliciter, pecudis enim et[*]illi enim simpl. pec. et Δ
hominis idem
bonum esse censent; apud nostros autem[*]autem Lb.
non ignoras
quae sit et quanta subtilitas.