Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
Antonio tuo nomine gratias egi eamque epistulam Mallio dedi.
ad te ideo antea rarius scripsi quod non habebam idoneum cui darem, nec
satis sciebam quo darem. valde te venditavi.
Cincius si quid ad me tui negoti detulerit, suscipiam; sed nunc magis in
suo est occupatus; in quo ego ei non desum. tu si uno in loco es futurus,
crebras a nobis litteras exspecta; sed pluris etiam ipse mittito.
velim ad me scribas cuius modi sit Ἀμαλθεῖον tuum, quo ornatu, qua τοποθεσίᾳ, et quae poemata quasque historias de Ἀμαλθείᾳ habes ad me mittas. libet mihi facere in
Arpinati. ego tibi aliquid de meis scriptis mittam.
nihil erat absoluti.