Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
12.53
ego etsi nihil habeo quod ad te scribam, scribo tamen quia tecum loqui
videor. hic nobiscum sunt Nicias et Valerius.
hodie tuas litteras exspectabamus matutinas. erunt fortasse
alterae posmeridianae, nisi te Epiroticae litterae impedient quas ego non
interpello. misi ad te epistulas ad Marcianum et ad
Montanum. eas in eundem fasciculum velim addas, nisi forte iam
dedisti.