Epistulae, Epistulae, Satires, Epistles and Ars poetica with an English translation. Horace, creator; Fairclough, H. Rushton (Henry Rushton), 1862-, editor
Made available under the Creative Commons Attribution 4.0 International License.
XML: Passage Full Text
da mihi fallere, da iusto sanctoque videri,
noctem peccatis et fraudibus obice nubem.”
Qui melior servo, qui liberior sit avarus,
in triviis fixum cum se demittit ob assem,
p.356
65
non video; nam qui cupiet, metuet quoque; porro,
qui metuens vivet, liber mihi non erit umquam,
perdidit arma, locum Virtutis deseruit, qui
semper in augenda festinat et obruitur re.
vendere cum possis captivum, occidere noli;
70
serviet utiliter; sine pascat durus aretque,
naviget ac mediis hiemet mercator in undis,
annonae prosit, portet frumenta penusque.
Vir bonus et sapiens audebit dicere: “Pentheu,
rector Thebarum, quid me perferre patique
75
indignum coges?” "Adimam bona." “Nempe pecus, rem,
lectos, argentum: tollas licet.” “In manicis ot
compedibus saevo te sub custode tenebo.”
"Ipse deus, simul atque volam, me solvet." opinor,
hoc sentit "moriar." mors ultima linea rerum est.