Epistulae, Ovid, 43 B.C.-17 or 18 A.D, creator; Ehwald, Rudolf, 1847-1927, editor; Merkel, Rudolf, 1811-1885, editor
Made available under the Creative Commons Attribution 4.0 International License.
XML: Passage Full Text
Paelicis ipsa meos inplessem sanguine vultus,
150
Quosque veneficiis abstulit illa suis!
Medeae Medea forem! quodsi quid ab alto
Iustus adest votis Iuppiter ille meis,
Quod gemit Hypsipyle, lecti quoque subnuba nostri
Maereat et leges sentiat ipsa suas;
155
Utque ego destituor coniunx materque duorum,
A totidem natis orba sit illa viro!
Nec male parta diu teneat peiusque relinquat —
Exulet et toto quaerat in orbe fugam!
Quam fratri germana fuit miseroque parenti
160
Filia, tam natis, tam sit acerba viro!
Cum mare, cum terras consumpserit, aera temptet;
Erret inops, exspes, caede cruenta sua!
Haec ego, coniugio fraudata Thoantias oro.
Vivite, devoto nuptaque virque toro!