Metamorphoses, TEI XML Edition Enhanced with Syntax Diagrams for 1.1-1.9 and 1.163-1.773. Ovid. Metamorphoses. Hugo Magnus.
Gotha (Germany). Friedr. Andr. Perthes. 1892
Made available under the Creative Commons Attribution 4.0 International License.
422
proripit ac Latios errat vesana per agros.
423
Sex illam noctes, tetidem redeuntia solis
424
lumina viderunt inopem somnique cibique
425
per iuga, per valles, qua fors ducebat, euntem.
426
Ultimus adspexit Thybris luctuque viaque
427
fessam et iam longa ponentem corpora ripa.
428
Illic cum lacrimis ipso modulata dolore
429
verba sono tenui maerens fundebat, ut olim
430
carmina iam moriens canit exequialia cygnus.
431
Luctibus extremis teneras liquefacta medullas
432
tabuit inque leves paulatim evanuit auras;
433
fama tamen signata loco est, quem rite Canentem
434
nomine de nymphae veteres dixere Camenae.”
435
Talia multa mihi longum narrata per annum
436
visaque sunt. Resides et desuetudine tardi
437
rursus inire fretum, rursus dare vela iubemur.
438
Ancipitesque vias et iter Titania vastum
439
dixerat et saevi restare pericula ponti.
440
Pertimui, fateor, nactusque hoc litus adhaesi.”
Diomedis socii. Oleaster.
441
Finierat Macareus. Urnaque Aeneia nutrix
442
condita marmoreo tumulo breve carmen habebat:
443
HIC ME CAIETAM NOTAE PIETATIS ALUMNUS
444
EREPTAM ARGOLICO QUO DEBUIT IGNE CREMAVIT.
445
Solvitur herboso religatus ab aggere funis,
446
et procul insidias infamataeque relinquunt
447
tecta deae lucosque petunt, ubi nubilus umbra
448
in mare cum flava prorumpit Thybris harena;
449
Faunigenaeque domo potitur nataque Latini,
450
non sine Marte tamen: bellum cum gente feroci
451
suscipitur, pactaque furit pro coniuge Turnus.