Tristia, Ovid, 43 B.C.-17 or 18 A.D, creator; Wheeler, Arthur Leslie, 1871-1932, editor; Wheeler, Arthur Leslie, 1871-1932, editor, translator
Made available under the Creative Commons Attribution 4.0 International License.
241
illa quidem fateor frontis non esse severae
242
scripta, nec a tanto principe digna legi:
243
non tamen idcirco legum contraria iussis
244
sunt ea Romanas erudiuntque nurus.
245
neve, quibus scribam, possis dubitare, libellos,
246
quattuor hos versus e tribus unus habet :
247
este procul, vittae tenues, insigne pudoris,
248
quaeque tegis medios instita longa pedes!
249
nil nisi legitimum concessitque furta canemus,
250
inque meo nullum carmine crimen erit.
251
ecquid ab hac omnes rigide summovimus Arte,
252
quas stola contingi vittaque sumpta vetat?
253
at matrona potest alienis artibus uti, quodque [*] quoque
254
trahat, quamvis non doceatur, habet.
255
nil igitur matrona legat, quia carmine ab omni
256
ad delinquendum doctior esse potest.
257
quodcumque attigerit, siqua est studiosa sinistri,
258
ad vitium mores instruet inde suos.
259
sumpserit Annales—nihil est hirsutius illis—
260
facta sit unde parens Ilia, nempe leget,
261
sumpserit Aeneadum genetrix ubi prima, requiret,
262
Aeneadum genetrix unde sit alma Venus.
263
persequar inferius, modo si licet ordine ferri,
264
posse nocere animis carminis omne genus.
265
non tamen idcirco crimen liber omnis habebit :
266
nil prodest, quod non laedere possit idem.
267
igne quid utilius? siquis tamen urere tecta
268
comparat, audaces instruit igne manus.
269
eripit interdum, modo dat medicina salutem,
270
quaeque iuvet, monstrat, quaeque sit herba nocens.