Ajax, Alpheios version. Enhanced TEI with Syntax Diagrams.
Made available under the Creative Commons Attribution 4.0 International License.
XML: Passage Full Text
340
ὤμοι τάλαιν᾽ : Εὐρύσακες , ἀμφὶ σοὶ βοᾷ.
τί ποτε μενοινᾷ ; ποῦ ποτ᾽ εἶ ; τάλαιν᾽ ἐγώ.
Αἴας
Τεῦκρον καλῶ . ποῦ Τεῦκρος ; ἢ τὸν εἰσαεὶ
λεηλατήσει χρόνον , ἐγὼ δ᾽ ἀπόλλυμαι;
Χορός
ἁνὴρ φρονεῖν ἔοικεν . ἀλλ᾽ ἀνοίγετε.
345
τάχ᾽ ἄν τιν᾽ αἰδῶ κἀπ᾽ ἐμοὶ βλέψας λάβοι.
Τέκμησσα
ἰδού , διοίγω : προσβλέπειν δ᾽ ἔξεστί σοι
τὰ τοῦδε πράγη , καὐτὸς ὡς ἔχων κυρεῖ.
Αἴας
ἰὼ
φίλοι ναυβάται , μόνοι ἐμῶν φίλων,
350
μόνοι ἔτ᾽ ἐμμένοντες ὀρθῷ νόμῳ,
ἴδεσθέ μ᾽ οἷον ἄρτι κῦμα φοινίας ὑπὸ ζάλης
ἀμφίδρομον κυκλεῖται.
Χορός
οἴμ᾽ ὡς ἔοικας ὀρθὰ μαρτυρεῖν ἄγαν.
355
δηλοῖ δὲ τοὔργον ὡς ἀφροντίστως ἔχει.
Αἴας
ἰὼ
γένος ναΐας ἀρωγὸν τέχνας,
ἅλιον ὃς ἐπέβας ἑλίσσων πλάταν,
360
σέ τοι σέ τοι μόνον δέδορκα πημονὰν ἐπαρκέσοντ᾽:
ἀλλά με συνδάϊξον.
Χορός
εὔφημα φώνει : μὴ κακὸν κακῷ διδοὺς
ἄκος , πλέον τὸ πῆμα τῆς ἄτης τίθει.
Αἴας
ὁρᾷς τὸν θρασύν , τὸν εὐκάρδιον,
365
τὸν ἐν δαΐοις ἄτρεστον μάχαις,
ἐν ἀφόβοις με θηρσὶ δεινὸν χέρας;
ὤμοι γέλωτος , οἷον ὑβρίσθην ἄρα.
Τέκμησσα
μή , δέσποτ᾽ Αἴας , λίσσομαί σ᾽ , αὔδα τάδε.
Αἴας
οὐκ ἐκτός ; οὐκ ἄψορρον ἐκνεμεῖ πόδα;
370
αἰαῖ αἰαῖ.
Χορός
ὦ πρὸς θεῶν ὕπεικε καὶ φρόνησον εὖ.
Αἴας
ὦ δύσμορος , ὃς χερὶ μὲν
μεθῆκα τοὺς ἀλάστορας , ἐν δ᾽ ἑλίκεσσι
375
βουσὶ καὶ κλυτοῖς πεσὼν αἰπολίοις
ἐρεμνὸν αἷμ᾽ ἔδευσα.
Χορός
τί δῆτ᾽ ἂν ἀλγοίης ἐπ᾽ ἐξειργασμένοις;
οὐ γὰρ γένοιτ᾽ ἂν ταῦθ᾽ ὅπως οὐχ ὧδ᾽ ἔχειν.
Αἴας
ἰὼ πάνθ᾽ ὁρῶν ἁπάντων τ᾽ ἀεὶ
380
κακῶν ὄργανον , τέκνον Λαρτίου,
κακοπινέστατόν τ᾽ ἄλημα στρατοῦ,
ἦ που πολὺν γέλωθ᾽ ὑφ᾽ ἡδονῆς ἄγεις.
Χορός
ξύν τοι θεῷ πᾶς καὶ γελᾷ κὠδύρεται.
Αἴας
ἴδοιμι μήν νιν , καίπερ ὧδ᾽ ἀτώμενος.
385
ἰώ μοί μοι.
Χορός
μηδὲν μέγ᾽ εἴπῃς : οὐχ ὁρᾷς ἵν᾽ εἶ κακοῦ;
Αἴας
ὦ Ζεῦ , προγόνων προπάτωρ,
πῶς ἂν τὸν αἱμυλώτατον , ἐχθρὸν ἄλημα,
390
τούς τε δισσάρχας ὀλέσσας βασιλῆς
τέλος θάνοιμι καὐτός;
Τέκμησσα
ὅταν κατεύχῃ ταῦθ᾽ , ὁμοῦ κἀμοὶ θανεῖν
εὔχου : τί γὰρ δεῖ ζῆν με σοῦ τεθνηκότος;
Αἴας
ἰὼ
395
σκότος , ἐμὸν φάος,
ἔρεβος ὦ φαεννότατον , ὡς ἐμοί,
ἕλεσθ᾽ ἕλεσθέ μ᾽ οἰκήτορα,
ἕλεσθέ μ᾽ : οὔτε γὰρ θεῶν γένος οὔθ᾽ ἁμερίων
400
ἔτ᾽ ἄξιος βλέπειν τιν᾽ εἰς ὄνασιν ἀνθρώπων.
ἀλλά μ᾽ ἁ Διὸς
ἀλκίμα θεὸς
ὀλέθρι᾽ αἰκίζει.
ποῖ τις οὖν φύγῃ;
405
ποῖ μολὼν μενῶ;
405
εἰ τὰ μὲν φθίνει , φίλοι , τοιοῖσδ᾽
ὁμοῦ πέλας , μώραις δ᾽ ἄγραις προσκείμεθα,
πᾶς δὲ στρατὸς δίπαλτος ἄν με
χειρὶ φονεύοι.
Τέκμησσα
410
ὦ δυστάλαινα , τοιάδ᾽ ἄνδρα χρήσιμον
φωνεῖν , ἃ πρόσθεν οὗτος οὐκ ἔτλη ποτ᾽ ἄν.
Αἴας
ἰὼ
πόροι ἁλίρροθοι
πάραλά τ᾽ ἄντρα καὶ νέμος ἐπάκτιον,
415
πολὺν πολύν με δαρόν τε δὴ
415
κατείχετ᾽ ἀμφὶ Τροίαν χρόνον : ἀλλ᾽ οὐκέτι μ᾽ , οὐκ
ἔτ᾽ ἀμπνοὰς ἔχοντα : τοῦτό τις φρονῶν ἴστω.
ὦ Σκαμάνδριοι
γείτονες ῥοαί,
420
εὔφρονες Ἀργείοις,
οὐκέτ᾽ ἄνδρα μὴ
τόνδ᾽ ἴδητ᾽ , ἔπος
ἐξερῶ μέγ᾽ , οἷον οὔτινα
425
Τροία στρατοῦ δέρχθη χθονὸς μολόντ᾽ ἀπὸ
Ἑλλανίδος : τανῦν δ᾽ ἄτιμος
ὧδε πρόκειμαι.
Χορός
οὔτοι σ᾽ ἀπείργειν οὐδ᾽ ὅπως ἐῶ λέγειν
ἔχω , κακοῖς τοιοῖσδε συμπεπτωκότα.
Αἴας
430
αἰαῖ : τίς ἄν ποτ᾽ ᾤεθ᾽ ὧδ᾽ ἐπώνυμον
τοὐμὸν ξυνοίσειν ὄνομα τοῖς ἐμοῖς κακοῖς;
νῦν γὰρ πάρεστι καὶ δὶς αἰάζειν ἐμοὶ
καὶ τρίς : τοιούτοις γὰρ κακοῖς ἐντυγχάνω:
ὅτου πατὴρ μὲν τῆσδ᾽ ἀπ᾽ Ἰδαίας χθονὸς
435
τὰ πρῶτα καλλιστεῖ᾽ ἀριστεύσας στρατοῦ
πρὸς οἶκον ἦλθε πᾶσαν εὔκλειαν φέρων:
ἐγὼ δ᾽ ὁ κείνου παῖς , τὸν αὐτὸν ἐς τόπον
Τροίας ἐπελθὼν οὐκ ἐλάσσονι σθένει
οὐδ᾽ ἔργα μείω χειρὸς ἀρκέσας ἐμῆς,
440
ἄτιμος Ἀργείοισιν ὧδ᾽ ἀπόλλυμαι.
καίτοι τοσοῦτόν γ᾽ ἐξεπίστασθαι δοκῶ:
εἰ ζῶν Ἀχιλλεὺς τῶν ὅπλων τῶν ὧν πέρι
κρίνειν ἔμελλε κράτος ἀριστείας τινί,
οὐκ ἄν τις αὔτ᾽ ἔμαρψεν ἄλλος ἀντ᾽ ἐμοῦ.
445
νῦν δ᾽ αὔτ᾽ Ἀτρεῖδαι φωτὶ παντουργῷ φρένας
ἔπραξαν , ἀνδρὸς τοῦδ᾽ ἀπώσαντες κράτη.
κεἰ μὴ τόδ᾽ ὄμμα καὶ φρένες διάστροφοι
γνώμης ἀπῇξαν τῆς ἐμῆς , οὐκ ἄν ποτε
δίκην κατ᾽ ἄλλου φωτὸς ὧδ᾽ ἐψήφισαν.
450
νῦν δ᾽ ἡ Διὸς γοργῶπις ἀδάματος θεὰ
ἤδη μ᾽ ἐπ᾽ αὐτοῖς χεῖρ᾽ ἐπεντύνοντ᾽ ἐμὴν