Ajax, Alpheios version. Enhanced TEI with Syntax Diagrams.
Made available under the Creative Commons Attribution 4.0 International License.
XML: Passage Full Text
θυραῖος εἴπερ ἐστίν , οὐ θαρσῶ πέρι.
Τέκμησσα
καὶ μὴν θυραῖος , ὥστε μ᾽ ὠδίνειν τί φής.
Ἄγγελος
795
ἐκεῖνον εἴργειν Τεῦκρος ἐξεφίεται
σκηνῆς ὕπαυλον μηδ᾽ ἀφιέναι μόνον.
Τέκμησσα
ποῦ δ᾽ ἐστὶ Τεῦκρος , κἀπὶ τῷ λέγει τάδε;
Ἄγγελος
πάρεστ᾽ ἐκεῖνος ἄρτι : τήνδε δ᾽ ἔξοδον
ὀλεθρίαν Αἴαντος ἐλπίζει φέρειν.
Τέκμησσα
800
οἴμοι τάλαινα , τοῦ ποτ᾽ ἀνθρώπων μαθών;
Ἄγγελος
τοῦ Θεστορείου μάντεως , καθ᾽ ἡμέραν
τὴν νῦν , ὅτ᾽ αὐτῷ θάνατον ἢ βίον φέρει.
Τέκμησσα
οἲ ᾽γώ , φίλοι , πρόστητ᾽ ἀναγκαίας τύχης,
καὶ σπεύσαθ᾽ , οἱ μὲν Τεῦκρον ἐν τάχει μολεῖν,
805
οἱ δ᾽ ἑσπέρους ἀγκῶνας , οἱ δ᾽ ἀντηλίους
ζητεῖτ᾽ ἰόντες τἀνδρὸς ἔξοδον κακήν.
ἔγνωκα γὰρ δὴ φωτὸς ἠπατημένη
καὶ τῆς παλαιᾶς χάριτος ἐκβεβλημένη.
οἴμοι , τί δράσω , τέκνον ; οὐχ ἱδρυτέον:
810
ἀλλ᾽ εἶμι κἀγὼ κεῖσ᾽ ὅποιπερ ἂν σθένω.
χωρῶμεν , ἐγκονῶμεν , οὐχ ἕδρας ἀκμὴ
σῴζειν θέλοντας ἄνδρα γ᾽ ὃς σπεύδῃ θανεῖν.
Χορός
χωρεῖν ἕτοιμος , κοὐ λόγῳ δείξω μόνον:
τάχος γὰρ ἔργου καὶ ποδῶν ἅμ᾽ ἕψεται,
Αἴας
815
ὁ μὲν σφαγεὺς ἕστηκεν ᾗ τομώτατος
γένοιτ᾽ ἄν , εἴ τῳ καὶ λογίζεσθαι σχολή:
δῶρον μὲν ἀνδρὸς Ἕκτορος ξένων ἐμοὶ
μάλιστα μισηθέντος ἐχθίστου θ᾽ ὁρᾶν:
πέπηγε δ᾽ ἐν γῇ πολεμίᾳ τῇ Τρῳάδι,
820
σιδηροβρῶτι θηγάνῃ νεηκονής:
ἔπηξα δ᾽ αὐτὸν εὖ περιστείλας ἐγώ,
εὐνούστατον τῷδ᾽ ἀνδρὶ διὰ τάχους θανεῖν.