Ajax, Alpheios version. Enhanced TEI with Syntax Diagrams.
Made available under the Creative Commons Attribution 4.0 International License.
XML: Passage Full Text
ἀλλ᾽ ἀρκτέον τὸ πρᾶγμα σὺν τάχει τινί.
ὦ Θάνατε Θάνατε , νῦν μ᾽ ἐπίσκεψαι μολών.
855
καίτοι σὲ μὲν κἀκεῖ προσαυδήσω ξυνών.
σὲ δ᾽ , ὦ φαεννῆς ἡμέρας τὸ νῦν σέλας,
καὶ τὸν διφρευτὴν Ἥλιον προσεννέπω,
πανύστατον δὴ κοὔποτ᾽ αὖθις ὕστερον.
ὦ φέγγος , ὦ γῆς ἱερὸν οἰκείας πέδον
860
Σαλαμῖνος , ὦ πατρῷον ἑστίας βάθρον
κλειναί τ᾽ Ἀθῆναι καὶ τὸ σύντροφον γένος
κρῆναί τε ποταμοί θ᾽ οἵδε , καὶ τὰ Τρωϊκὰ
πεδία προσαυδῶ , χαίρετ᾽ , ὦ τροφῆς ἐμοί:
τοῦθ᾽ ὑμὶν Αἴας τοὔπος ὕστατον θροεῖ,
865
τὰ δ᾽ ἄλλ᾽ ἐν Ἅιδου τοῖς κάτω μυθήσομαι.
Ἡμιχόριον 1
πόνος πόνῳ πόνον φέρει.
πᾷ πᾷ
πᾷ γὰρ οὐκ ἔβαν ἐγώ;
κοὐδεὶς ἐπίσταταί με συμμαθεῖν τόπος.
870
ἰδού.
δοῦπον αὖ κλύω τινά.
Ἡμιχόριον 2
ἡμῶν γε ναὸς κοινόπλουν ὁμιλίαν.
Ἡμιχόριον 1
τί οὖν δή;
Ἡμιχόριον 2
πᾶν ἐστίβηται πλευρὸν ἕσπερον νεῶν
Ἡμιχόριον 1
875
ἔχεις οὖν;
Ἡμιχόριον 2
πόνου γε πλῆθος , κοὐδὲν εἰς ὄψιν πλέον.
Ἡμιχόριον 1
ἀλλ᾽ οὐδὲ μὲν δὴ τὴν ἀφ᾽ ἡλίου βολῶν
κέλευθον ἁνὴρ οὐδαμοῦ δηλοῖ φανείς.
Χορός
τίς ἂν δῆτά μοι , τίς ἂν φιλοπόνων
880
ἁλιαδᾶν ἔχων ἀΰπνους ἄγρας,
ἢ τίς Ὀλυμπιάδων θεᾶν ἢ ῥυτῶν
Βοσπορίων ποταμῶν , τὸν ὠμόθυμον
885
εἴ ποθι πλαζόμενον λεύσσων
ἀπύοι ; σχέτλια γὰρ
ἐμέ γε τὸν μακρῶν ἀλάταν πόνων
οὐρίῳ μὴ πελάσαι δρόμῳ,
890
ἀλλ᾽ ἀμενηνὸν ἄνδρα μὴ λεύσσειν ὅπου.
Τέκμησσα
ἰώ μοί μοι.
Χορός
τίνος βοὴ πάραυλος ἐξέβη νάπους;
Τέκμησσα
ἰὼ τλήμων.
Χορός
τὴν δουρίληπτον δύσμορον νύμφην ὁρῶ
895
Τέκμησσαν , οἴκτῳ , τῷδε συγκεκραμένην.
Τέκμησσα
ᾤχωκ᾽ , ὄλωλα , διαπεπόρθημαι , φίλοι.
Χορός
τί δ᾽ ἔστιν;
Τέκμησσα
Αἴας ὅδ᾽ ἡμῖν ἀρτίως νεοσφαγὴς
κεῖται , κρυφαίῳ φασγάνῳ περιπτυχής.
Χορός
900
ὤμοι ἐμῶν νόστων:
ὤμοι , κατέπεφνες , ἄναξ,
τόνδε συνναύταν , τάλας
ὦ ταλαίφρων γύναι:
Τέκμησσα
905
ὡς ὧδε τοῦδ᾽ ἔχοντος αἰάζειν πάρα.
Χορός
τίνος ποτ᾽ ἆρ᾽ ἔπραξε χειρὶ δύσμορος;
Τέκμησσα
αὐτὸς πρὸς αὑτοῦ , δῆλον : ἐν γάρ οἱ χθονὶ
910
πηκτὸν τόδ᾽ ἔγχος περιπετὲς κατηγορεῖ.
Χορός
ὤμοι ἐμᾶς ἄτας , οἶος ἄρ᾽ αἱμάχθης , ἄφαρκτος φίλων:
ἐγὼ δ᾽ ὁ πάντα κωφός , ὁ πάντ᾽ ἄϊδρις , κατημέλησα . πᾷ πᾷ
κεῖται ὁ δυστράπελος , δυσώνυμος Αἴας;
Τέκμησσα
915
οὔτοι θεατός : ἀλλά νιν περιπτυχεῖ
φάρει καλύψω τῷδε παμπήδην , ἐπεὶ
οὐδεὶς ἄν , ὅστις καὶ φίλος , τλαίη βλέπειν
φυσῶντ᾽ ἄνω πρὸς ῥῖνας ἔκ τε φοινίας
920
πληγῆς μελανθὲν αἷμ᾽ ἀπ᾽ οἰκείας σφαγῆς.
οἴμοι , τί δράσω ; τίς σε βαστάσει φίλων;
ποῦ Τεῦκρος ; ὡς ἀκμαῖ᾽ ἄν , εἰ βαίη , μόλοι,
πεπτῶτ᾽ ἀδελφὸν τόνδε συγκαθαρμόσαι.
ὦ δύσμορ᾽ Αἴας , οἷος ὢν οἵως ἔχεις,
925
ὡς καὶ παρ᾽ ἐχθροῖς ἄξιος θρήνων τυχεῖν.
Χορός
ἔμελλες , τάλας , ἔμελλες χρόνῳ
στερεόφρων ἄρ᾽ ἐξανύσσειν κακὰν
930
μοῖραν ἀπειρεσίων πόνων . τοῖά μοι
πάννυχα καὶ φαέθοντ᾽ ἀνεστέναζες
ὠμόφρων ἐχθοδόπ᾽ Ἀτρείδαις
οὐλίῳ σὺν πάθει.
μέγας ἄρ᾽ ἦν ἐκεῖνος ἄρχων χρόνος
935
πημάτων , ἦμος ἀριστόχειρ
............ ὅπλων ἔκειτ᾽ ἀγὼν πέρι.
Τέκμησσα
ἰώ μοί μοι.
Χορός
χωρεῖ πρὸς ἧπαρ , οἶδα , γενναία δύη.
Τέκμησσα
ἰώ μοί μοι.
Χορός
940
οὐδέν σ᾽ ἀπιστῶ καὶ δὶς οἰμῶξαι , γύναι,
τοιοῦδ᾽ ἀποβλαφθεῖσαν ἀρτίως φίλου.
Τέκμησσα
σοὶ μὲν δοκεῖν ταῦτ᾽ ἔστ᾽ , ἐμοὶ δ᾽ ἄγαν φρονεῖν.
Χορός
ξυναυδῶ.
Τέκμησσα
οἴμοι , τέκνον , πρὸς οἷα δουλείας ζυγὰ
945
χωροῦμεν , οἷοι νῷν ἐφεστᾶσιν σκοποί.
Χορός
ὤμοι , ἀναλγήτων
δισσῶν ἐθρόησας ἄναυδ᾽
ἔργ᾽ Ἀτρειδᾶν τῷδ᾽ ἄχει.
ἀλλ᾽ ἀπείργοι θεός.
Τέκμησσα
950
οὐκ ἂν τάδ᾽ ἔστη τῇδε μὴ θεῶν μέτα.
Χορός
ἄγαν ὑπερβριθὲς γὰρ ἄχθος ἤνυσαν.
Τέκμησσα
τοιόνδε μέντοι Ζηνὸς ἡ δεινὴ θεὸς
Παλλὰς φυτεύει πῆμ᾽ Ὀδυσσέως χάριν.
Χορός
955
ἦ ῥα κελαινώπαν θυμὸν ἐφυβρίζει πολύτλας ἀνήρ,
γελᾷ δὲ τοῖσδε μαινομένοις ἄχεσιν πολὺν γέλωτα , φεῦ φεῦ,
960
ξύν τε διπλοῖ βασιλῆς κλύοντες Ἀτρεῖδαι.
Τέκμησσα
οἱ δ᾽ οὖν γελώντων κἀπιχαιρόντων κακοῖς
τοῖς τοῦδ᾽ : ἴσως τοι , κεἰ βλέποντα μὴ ᾽πόθουν,
θανόντ᾽ ἂν οἰμώξειαν ἐν χρείᾳ δορός.
οἱ γὰρ κακοὶ γνώμαισι τἀγαθὸν χεροῖν
965
ἔχοντες οὐκ ἴσασι , πρίν τις ἐκβάλῃ.
ἐμοὶ πικρὸς τέθνηκεν ἢ κείνοις γλυκύς,
αὑτῷ δὲ τερπνός : ὧν γὰρ ἠράσθη τυχεῖν
ἐκτήσαθ᾽ αὑτῷ , θάνατον ὅνπερ ἤθελεν.
τί δῆτα τοῦδ᾽ ἐπεγγελῷεν ἂν κάτα;
970
θεοῖς τέθνηκεν οὗτος , οὐ κείνοισιν , οὔ.
πρὸς ταῦτ᾽ Ὀδυσσεὺς ἐν κενοῖς ὑβριζέτω.
Αἴας γὰρ αὐτοῖς οὐκέτ᾽ ἐστίν , ἀλλ᾽ ἐμοὶ
λιπὼν ἀνίας καὶ γόους διοίχεται.
Τεῦκρος
ἰώ μοί μοι.
Χορός
975
σίγησον : αὐδὴν γὰρ δοκῶ Τεύκρου κλύειν
βοῶντος ἄτης τῆσδ᾽ ἐπίσκοπον μέλος.
Τεῦκρος
ὦ φίλτατ᾽ Αἴας , ὦ ξύναιμον ὄμμ᾽ ἐμοί,