Epistulae ad Atticum, Epistulae Volume II, Pars Prior Pars Posterior Epistulae Ad Atticum. Cicero, Marcus Tullius, creator; Purser, Louis Claude, 1854-1932, editor
Made available under the Creative Commons Attribution 4.0 International License.
9.6A
cum
Furnium nostrum tantum vidissem neque loqui neque audire meo commodo
potuissem, properarem atque essem in itinere praemissis iam legionibus, praeterire tamen
non potui quin et scriberem ad te et illum mitterem gratiasque agerem, etsi hoc et feci
saepe et saepius mihi facturus videor; ita de me merens. in primis a te peto,
quoniam confido me celeriter ad urbem venturum, ut te ibi videam, ut tuo consilio,
gratia, dignitate, ope omnium rerum uti possim. ad propositum revertar;
festinationi meae brevitatique litterarum ignosces. reliqua ex
Furnio cognosces.