Epistulae, Ovid, 43 B.C.-17 or 18 A.D, creator; Ehwald, Rudolf, 1847-1927, editor; Merkel, Rudolf, 1811-1885, editor
Made available under the Creative Commons Attribution 4.0 International License.
123
At tu, siqua piae, Lynceu, tibi cura sororis,
124
Quaeque tibi tribui munera, dignus habes,
125
Vel fer opem, vel dede neci defunctaque vita
126
Corpora furtivis insuper adde rogis,
127
Et sepeli lacrimis perfusa fidelibus ossa,
128
Sculptaque sint titulo nostra sepulcra brevi:
129
'Exul Hypermestra, pretium pietatis iniquum,
130
Quam mortem fratri depulit, ipsa tulit.'
131
Scribere plura libet, sed pondere lapsa catenae
132
Est manus, et vires subtrahit ipse timor.