Fasti, Ovid, 43 B.C.-17 or 18 A.D, creator; Frazer, James George, Sir, 1854-1941, editor
Made available under the Creative Commons Attribution 4.0 International License.
722
quae tamen in fastis hoc quoque tempus habent. [*]22. FN
723
Nocte sequente diem canis Erigoneius exit:
724
est alio signi reddita causa loco. [*]23. G TVB — NP
725
Proxima Volcani lux est, Tubilustria dicunt:
726
lustrantur purae, quas facit ille, tubae. [*]24. HQ — R — C — F
727
Quattuor inde notis locus est, quibus ordine lectis
728
vel mos sacrorum vel fuga regis inest.
729
Nec te praetereo, populi Fortuna potentis
730
Publica, cui templum luce sequente datum est.
731
hanc ubi dives aquis acceperit Amphitrite,
732
grata Iovi fulvae rostra videbis avis.
733
Auferet ex oculis veniens aurora Booten,
734
continuaque die sidus Hyantis erit.